काठमाडौं मार्ग १४, राजधानी सहर बाहिरबाट हेर्दा जस्तो देखिन्छ भित्र त्यस्तो नभएको महानगरका प्रमुख तथा कार्यकरी अधिकृत रुद्रसिंह तामाङ्गले बताउनु भएको छ । लैङ्गिक समानता र सामाजिक समावेशिताका बिषयमा चर्चा गर्दै उहाँले सहरी गरीवी न्युनीकरणका लागि समावेशिता र शुसासन बिषयक कार्यशालामा यस्तो धारणा राख्नु भएको हो । कार्यशालामा महानगरको सहरी गरीवी र समावेसीता कार्यक्रमका बिषयमा कार्यपत्र प्रस्तुत गर्दै सामाजिक बिकास विभागका प्रमुख राज्यप्रकाश प्रधानाङ्गले सामाजिक सोच र विद्यमान कानुनमा बाँडिएका क्षेत्रगत अधिकार सफलताका चुनौती रहेको बताउनु भयो ।
महानगरका वडा प्रशासकिय प्रमुख तथा गैह्र सरकारी संस्थाहरुका प्रतिनिधिहरुवीच सम्पन्न कार्यशालामा सहरी गरीवी, समावेशिता र लैङ्गिक समानताका सैद्धान्तिक एवं व्यवहारिक पक्षमा चर्चा गरिएको थियो । कार्यशालाबाट प्राप्त निष्कर्षलाई महानगरको बार्षिक बजेट नीति तथा कार्यक्रममा समावेश गर्ने गरि सिफरिस गरिने बताइएको छ ।