काठमाडौं मार्ग १०, नेपाल पत्रकार महासंघले नवलपरासीको सामुदायिक रेडियो परासीमा अज्ञात समुहले पेट्रोल बम प्रहार गरी आगजनी गरेको घटनाप्रति आफ्नो गम्भीर ध्यानाकर्षण भएको जनाएको छ । मार्ग ९ गते राति १० बजेतिर रेडियोलाई लक्षित गरी प्रहार गरेको पेट्रोल बम आक्रमणबाट रेडियोको 
कम्पाउण्डमा रहेको मोटरसाइकल पूर्णरूपमा जलेको महासंघले महासंद्दको नवलपरासी शाखालाइ उदृत गर्दै आज जारी विज्ञप्तिमा उल्लेख गरिएको छ ।
त्यस्तै विज्ञप्तिमा स्वतन्त्र रूपमा सञ्चालनमा रहेको रेडियोलाई लक्षित गरी भएको यो आक्रमण प्रेस तथा अभिव्यक्ति स्वतन्त्रतामाथिको हस्तक्षेप भएको ठहर गर्दै महासंघले पत्रकार र सञ्चारगृहको सुरक्षालाई थप जटिल बनाउने प्रस्तुत घटनाको कडा शब्दमा भत्र्सना गर्दै घटनामा संलग्न समुहको तत्काल पहिचान गरी कारबाही गर्न एवम पत्रकार र सञ्चारगृहमा हुने यस्ताखाले घटना रोकी प्रेसलाई सुरक्षाको प्रत्याभूति दिलाउन सरकारसँग माग गरेको छ ।
यसैबीच बम प्रहारको घटना पछि रेडियो परासीले आजदेखि अनिश्चितकालका लागि आफ्नो प्रसारण बन्द गरेको छ । रेडियो स्टेसनको सुरक्षा नभएको तथा पटकपटक धम्की आउने क्रम जारी रहेको पृष्ठभूमिमा आज बिहानदेखि अनिश्चितकालका लागि प्रसारण बन्द गरिएको छ ।
