पूर्व प्रम डा भट्टराईको संयोजकत्वमा नयाँशक्ति राष्ट्रिय अभियान गठन
काठमाडौ मार्ग ८, पूर्व प्रधानमन्त्री डा बाबुराम भट्टराईको संयोजकत्वमा नयाँ शक्ति राष्ट्रिय अभियान गठन भएको छ । नयाँ शक्ति राष्ट्रिय अभियानका्े गठनको जानकारीदिन आज आयोजित पत्रकार सम्मेलनमा अभियान संयोजकसमेत रहनु भएको पूर्व प्रधानमन्त्री डा भट्टराईले मधेसको समस्यालाई तत्काल राजनीतिक तवरले समाधान गर्न आग्रह गर्दै मधेस आन्दोलन र भारतको नाकाबन्दी फरकफरक विषय भएकाले त्यसलाई फरक ढङ्गले सम्बोधन गर्नुपर्नेमा जोड दिनुभएको छ।
त्यस्तै पत्रकार सम्मेलनमा अभियानका लागि विभिन्न अञ्चलको संयोजकसमेत तोकिएको जानकारी दिइएको छ । जसअनुसार मेची, कोसीको संयोजकमा राजेन्द्र किराँती र मध्य तराई संयोजकमा रामचन्द्र झा, काठमाडौँ र यसको आसपासको क्षेत्रका लागि गङ्गा श्रेष्ठ, गण्डकी–बाग्लुङ–म्याग्दी संयोजकमा देवेन्द्र पराजुली, मगरात—अवधमा वामदेव क्षेत्री, भेरी कर्णालीमा भक्तबहादुर शाह, सेती–महाकालीमा नवराज सुवेदी, जनवर्गीय एवम् मोर्चामा कुमार पौडेल, अन्तर्राष्ट्रियमा हिसिला यमी र जातीय मोर्चाको संयोजकमा रामकुमार शर्मा रहेको बताईएको छ ।