ललितपुर कात्तिक २० , मधेसी विद्यार्थी फोरम नेपाल (लोकतान्त्रिक)को सातौँ स्थापना दिवसका अवसरमा आज ललिपुरमा आयोजित बृहत् रक्तदान 
कार्यक्रमलाइ सम्बोधन गर्दै उपप्रधानमन्त्री तथा भौतिक पूर्वाधार तथा यातायात मन्त्री विजयकुमार गच्छदारले मधेसी मोर्चाले उठाएका मागप्रति सरकार सकारात्मक भएको बताउँदै मोर्चाको माग पुरा गर्नेतर्फ पहल भइरहेको बताउनुभएको छ ।
त्यस्तै उपप्रम गच्छदारले आन्दोलनको क्रममा जिवन गुमाएका मृतकका परिवारलाई रु १० लाख क्षतिपूर्ति उपलब्ध गराउने, आन्दोलनका घाइतेको निःशुल्क उपचारको व्यवस्था मिलाउने र उनीहरूका मुद्दा फिर्ता लिने विषयलाई राज्यले सम्बोधन गर्ने जनाउ दिदै थारू तथा मधेसी मोर्चाले माग गरेको प्रदेशको सङ्ख्या र जनसङ्ख्याका आधारमा निर्वाचन क्षेत्रको निर्धारणका विषयमा पनि संविधान संशोधन गरेर सम्बोधन गरिने जानकारी दिनु भएको छ । कार्यक्रममा स्वास्थ्य तथा जनसङ्ख्या मन्त्री रामजनम चौधरीको पनि सहभागिता थियो ।
