काठमाडौ मार्ग १० , राष्ट्रिय ज्येष्ठ नागरिक महासङ्घले इन्धनलगायतका अत्यावश्यक वस्तुको आपूर्ति असहज भएको भन्दै ज्येष्ठ नागरिकका लागि 
ग्यासलगायत अत्यावश्यक उपभोग्य वस्तु सहजरुपमा उपलब्ध गराउन आग्रह गरेको छ ।
महासङ्घका अध्यक्ष डा गौरीशङ्करलाल दासद्वारा जारी विज्ञप्तिमा भूकम्पबाट प्रभावित ज्येष्ठ नागरिकको उचित पुनःस्थापनाका कार्यक्रम ल्याउन नपाउँदै तराई मधसको आन्दोलन र नाकाबन्दीका कारण सिर्जित इन्धनको अभावका कारण भोजन गराउन समेत मर्का परेको उल्लेख गरेको छ । त्यस्तै विज्ञप्तिमा राज्यले आन्दोलनरत पक्षसँग वार्ता र संवादका माध्यमबाट यथाशीघ्र निकास दिनुका साथै ज्येष्ठ नागरिकलाई तत्कालको वैकल्पिक व्यवस्था गर्न आग्रह गरिएको छ ।
