काठमाडौ कात्तिक १५, सत्तासाझेदार दलहरुवीचका शिर्ष नेताहरु सम्मिलित उच्चस्तरीय राजनीतिक समितिको प्रधानमन्त्री निवास बालुुवाटारमा आज बसेको बैठकले आन्दोलनरत संयुक्त लोकतान्त्रिक मधेसी मोर्चासँगको वार्तामा लचकताका साथ प्रस्तुत हुने निर्णय गरेको छ । मुलुकमा जारी नयाँ संविधान प्रति असहमति जाहेर गर्दैै आन्दोलमा होमिएका मोर्चाका माग सम्बोधनका लागि सरकार लचिलो रहेको भनी आजै हुने वार्तामा आश्वस्त पारिने भएको छ ।
त्यस्तै बैठकले राष्ट्रियताको सवालमा भने कुनै सम्झौता नगर्ने नितिगत निर्णय गर्दै जायज एवम् कानुन सम्मत सवै मागलाइ सम्बोधन गर्न सरकारी वार्ता टोलीका संयोजक उपप्रधानमन्त्री कमल थापालाई आवश्यक अख्तियारी दिएको बुझिएको छ । सरकारी वार्ता टोली र मोर्चाावीच आज अपराह्न ४ः०० बजे तेस्रो चरणको वार्ता हुँदैछ । बैठकमा प्रधानमन्त्री केपी शर्मा ओली समेतको उपस्थितिमा समितिका संयोजक एमाओवादीका अध्यक्ष प्रचण्ड संयोजकत्वमा बैठक बसेको थियो ।