काठमाडौ मार्ग ११, नेपाल प्रहरीले सिमानाकामा भारतीय पक्षको तर्फबाट जारी अवरोध र मधेस आन्दोलनका कारण हुँदै आएको इन्धनको चरम अभावको मौका छोपी बढी मूल्य लिई कालोबजारी गर्नेविरुद्ध कारबाही गर्नेक्रममा गत एक महिनाको अवधिमा १सय २४ जनालाई इन्धनसहित पक्राउ गरेको जनाएको छ।
प्रहरीले कालोबजारीविरुद्ध गत कात्तिक ९ गतेदेखि मार्ग ११ गतेसम्म देशभरका १०९ ठाउँमा गरेको कारबाहीमा उपत्यकाबाट ८६ र उपत्यकाबाहिरबाट ३८ गरी १२४ जना पक्राउ गरेको जनाएको छ । कारवाहीका क्रममा प्रहरीले उपत्यकाबाट क्रमस ११ हजार ४१३ लिटर पेट्रोल ,२४ हजार २९० लिटर डिजेल र त्यस्तैगरि एक हजार ३७५ लिटर मट्टितेलर ७९ थान खाना पकाउँने ग्याँस सिलिन्डर सहित कालाबजारीहरुलाइ पक्राउ गरेको जनाएको छ । त्यस्तै उपत्यका बाहिरबाट ३३ हजार ४९२ लिटर पेट्रोल, २७ हजार ८९३ लिटर डिजेल, एक हजार ४१५ लिटर मट्टितेल र ७९ थान खाना पकाउँने ग्याँस सिलिन्डर ग्याससमेत बरामद गरेको जनाएकोछ ।