काठमाडौ मार्ग ५, रूपन्देहीको भलबारी डिपोबाट निगमको थानकोट डिपोका लागि पठाइएको इन्धन निजी क्षेत्रका पेट्रोल पम्पलाई वितरण गरेको भन्ने गुनासो आएपछि अख्तियार दुरूपयोग अनुसन्धान आयोगले चासो व्यक्त गर्दै निगमका कार्यकारी निर्देशक गोपालबहादुर खड्का र निर्देशक मुकुन्द घिमिरेलाई बोलाएर सोधपुछ गरेको छ ।आयोगकाअनुसार भलबारीे डिपोबाट पठाइएको इन्धन काठमाडौँको एक पेट्रोल पम्पलाई गैरकानुनी तवरले वितरणका लागि पठाइएको भन्दै नेपाल प्रहरीले नियन्त्रणमा लिएको थियो ।
त्यस्तै आयोगले कालोबजारी नियन्त्रणका लागि आवश्यक कदम चाल्न नेपाल प्रहरी, सशस्त्र प्रहरी, वाणिज्य विभाग, नेशनल ट्रेडिङ लि र साल्ट ट्रेडिङ लिलाई निर्देशन दिइसकेको छ । नातागोता, शक्ति, पहुँच र प्रभावका आधारमा इन्धन वितरण नगर्न सम्बद्ध पक्षलाई निर्देशन दिइसकिएको जनाउँदै मिलेमतोमा कारोबार भए वा गरिएको थाहा हुनासाथ सम्बन्धित निकायमा खबर गर्नसमेत आयोगले आग्रह गरेको छ ।