काठमाडौ कात्तिक ९, नेपाली काँग्रेसले आज वडा दशैं, तिहार र छठको उपलक्ष्यमा पार्टीको तर्फबाट चियापान कार्यक्रमको आयोजना गरेको छ । दिउँसो १ बजेदेखि 
४ बजेसम्म राजधानीको दशरथरंगशालामा आयोजना गरिएको चियापान कार्यक्रममा प्रधानमन्त्री एवम् नेकपा एमालेका अध्यक्ष केपी ओली सभामुख ओनसरी धर्ती , एमाओवादीका अध्यक्ष प्रचण्ड , नेकपा एमालेका वरिष्ठ नेता माधव नेपाल एवम् मधेसी जनअधिकार फोरम नेपाल लोकतान्त्रिकका अध्यक्ष, राष्ट्रिय जनमोर्चाका अध्यक्षलगायत विभिन्न दलका नेता एवं कार्यकर्ता तथा बुद्धिजीवी, सर्वसाधारणको सहभागिता रहेको थियो ।
प्रस्तु शुभकामना आदानप्रदान एवम् चियापान कार्यक्रम मुलुकको राष्ट्रियता कमजोर भएका बेला प्रवासमा रहनुभएका नेपाली काँग्रेसका नेता बिपी कोइराला र गणेशमान सिंह राष्ट्रिय मेलमिलापको नीति लिएर स्वदेश फर्केपछि मेलमिलाप, सहमति र सहकार्यबाटै प्रजातन्त्रको सुदृढीकरण हुन्छ भन्ने मान्यताका साथ २०३५ सालदेखि नेपाली काँग्रेसले शुभकामना आदानप्रदान तथा चियापान कार्यक्रमको निरन्तर आयोजना गर्दै आएको छ ।
आजको कार्यक्रममा काँग्रेसका सभापति सुशील कोइराला, वरिष्ठ नेता शेरबहादुर देउवा, उपसभापति रामचन्द्र पौडेल, महामन्त्रीद्वय प्रकाशमान सिंह र कृष्णप्रसाद सिटौला तथा केन्द्रीय सदस्यहरुले आगन्तुकको स्वागत गर्नुभएको थियो ।फोटो:युपी लामिछाने ।
