काठमाडौ आश्विन १७, संयुक्त लोकतान्तिक मधेसी मोर्चाको मोर्चाको आज यहाँ बसेको बैठकले सरकारसँग जुनसुकै बेला वार्ता गर्न तयार रहेको जनाउँदै चार 
सदस्यीय वार्ताटोली गठन गरेको छ । बैठकपछि मोर्चाले जारी गरेको विज्ञप्तिमा सरकारले उपयुक्त वातावरण बनाउनुपर्छ भन्दै आफ्नो प्रस्तावका साथ प्रस्तुत हुने सार्थक र परिणाममुखी वार्ताका लागि सरकार र सम्बन्धित पक्षसँग आग्रह गरेको छ ।
त्यस्तै विज्ञप्तिमा गठित वार्ताटोलीमा सद्भावना पार्टीका सहअध्यक्ष लक्ष्मणलाल कर्ण, सङ्घीय समाजवादी फोरम नेपालका लालबाबु राउत, तराई मधेस लोकतान्त्रिक पार्टीका प्रवक्ता सर्वेन्द्रनाथ शुक्ल र तराई मधेस समाजवादी पार्टीका वरिष्ठ नेता रामनरेस राय रहनुभएको उल्लेख गरिएको छ ।
