सासद जस्तो नितिनिर्माण तहका व्यक्तिहरुबाटै राष्ट्रपतिको निर्वाचनमा ८ मत बदर उपराष्ट्रपतिको निर्वाचनमा त्यो सख्या बढेर १० मत पुग्यो
काठमाडौँ कात्तिक १४, गणतन्त्र नेपालको दोस्रो उपराष्ट्रपतिमा गटबन्धन सरकारका प्रतिनिधी उम्मेदवार एवम एमाओवादीका स्थायी समिति सदस्य नन्दकिशोर पुन पासाङ विजयी हुनुभएको छ । व्यवस्थापिका–संसद्मा आज भएको उपराष्ट्रपतिको निर्वाचनमा पासाङगले ३२५ मत प्राप्त गर्नुभए थियो भने उहाँका निकटतम प्रतिसप्रर्धी नेपाली काँग्रेसका उम्मेदवार अमियकुमार यादवले २१२ मत प्राप्त गर्नुभएको थियो ।
व्यवस्थापिका–संसद्मा हाल ५९७ जना सांसद रहेका छन् । तीमध्ये निर्वाचनमा ५४७ सहभागी भएका थिए । तराई मधेसमा आन्दोलनमा रहेका मधेसवादी दलले भने निर्वाचनमा भाग लिएका थिएनन् । निर्वाचनमा १० मत बदर भएको संसद सचिवालयले जनाएको छ । पुनलाई संसद्मा रहेका गठबन्धन सरकारका प्रमुख घटक एमाले , एमाओवादी , राप्रपा नेपाल मजफो नेपाल लोकतान्त्रिक लगायत १५ दलले समर्थन गरेका थिए । व्यवस्थापिका–संसद्को बैठक कात्तिक २२ गते आइतबार बिहान ११ बजे बस्ने छ ।