काठमाडौ भाद्र २८, संविधानमा हिन्दू राष्ट्रको माग गर्दै आज राप्रपा नेपाले संविधानसभा भवन अग���डि विरोध प्रदर्शन गरेको छ । प्रर्दशनको क्रममा राष्ट्रिय झन्डा र ओमकार परिवारको झन्डा बोकेका प्रदर्शनकारीहरुले संविधानसभा नजिकै पुग्दै निषेधित क्षेत्र तोड्ने प्रयास गर्दा सुरक्षाकर्मीले पानीको फोहरा हानेर स्थितलाई नियन्त्रणमा लिएका थिए ।
त्यस क्रममा केही आन्दोलनकारी घाइते भएका थिए । प्रदर्शनमा राप्रपा नेपालका उपाध्यक्ष टङ्क ढकाल, निरन्जन थापा र धवलशम्शेर राणा तथा सहायक महामन्त्री राजाराम श्रेष्ठ लगायतका नेता तथा कार्यकर्ताको सहभागीता रहेको थियो ।