काठमाडौ भाद्र ३१, बुधवार संविधानसभाको बैठकबाट दुई तिहाई बहुमतसहित पारित भएको नेपालको संविधान –२०७२ हुनसक्ने भाषिक त्रुटि सच्याउन संविधानसभाबाट संविधान पारित भएपछि आज त्यसका भाषागत तुटी सच्याइने भएको छ । राजनीतिक संवाद तथा सहमति समितिका सभापति डा.बाबुराम भट्टराईको नेतृत्वमा संविधानसभाले मस्यौदा समितिका सभापति कृष्ण सिटौला, एमाले प्रमुख सचेतक अग्नि खरेल, एमाओवादी प्रमुख सचेतक गिरिराजमणि 
पोखरेल र राप्रपा नेपालका सभासद कुन्ती शाही रहेने गरि गठन गरेको पाँच सदस्यीय समितिको आज बस्ने बैठकले संविधानका धारा-धारामा भएको भाषागत तुटी सच्याउँदै सो सम्बन्धमा पूर्ण प्रतिवेदन संविधानसभाध्यक्ष सुवास नेम्वाङलाई बुझाउने छ ।
समितिलाइ आज दिउँसो ३ बजेसम्म प्रतिवेदन बुझाउँन कार्यादेश दिईएको छ । त्यस्तै संविधानसभधाले दिएको कार्यादेश अनुरुप आज १२ :३० बजे राज्य व्यवस्था समितिको हलमा समितिको बैठक बस्ने तयारी गरिएको थाहा भएको छ । त्यस्तै बैठकले संविधानको शब्द र आनुसंगिक मिलाएर संविधानको प्रति सभाध्यक्षलाई बुझाएपछि आजै संविधानको प्रतिमा प्रत्येक सभासदले हस्ताक्षर गर्नुपर्ने नियमावलीमा व्यवस्थाअनुसारको कार्य सम्पादन गर्ने तयारी संविधान सचिवालयले गरेको बुझिएको छ ।
त्यस्तै सचिवालयका अनुसार हस्ताक्षर भएको संविधानको प्रतिमा सभाध्यक्ष नेम्वाङले प्रमाणीकरण गरेपछि आश्विन ३ गते साँझ राष्ट्रपति डा,रामवरण यादवले संविधानसभा भवन नयाँ बानेश्वरमा हुने विशेष समारोहमार्फत संविधान जारी भएको घोषणा गर्ने भएको छ ।
