काठमाडौ आश्विन ७, मुसलमान समुदायको महान् पर्व बकर इद(इदुल जोहा) भोली मनाइँदै छ । बकर इदका अवसरमा इस्लाम धर्मावलम्बीले खसी वा भेंडाको 
बलि दिने र उक्त बलिको तीन भाग लगाई एक भाग गरिबलाई, एक भाग पाहुनालाई र एक भाग आफ्नै परिवारका लागि छुट्याउने चलन छ ।
बकर इद पर्वका दिन बिहान मस्जिदमा जम्मा भई विशेष नमाज पढिन्छ । नमाज पढिसकेपछि घर घरमा गई बलि दिइने र एकापसमा शुभकामना आदानप्रदान गर्ने प्रचलन रहेको छ । यसै अवसरमा सरकारले शुक्रबार सार्वजनिक बिदा दिने निर्णय गरेको छ ।
