काठमाडौ आश्विन ३, नेत्र विक्रम चन्द विप्लव नेतृत्वको माओवादीले संविधानसभाले नेपालको नयाँ संविधान २०७२ जारी हुँने दिन तीन दल र सरकारद्वारा जारी गर्ने भनिएको संविधान नेपाली जनताले ००७ सालदेखि गर्दै आएको संघर्ष र विशेषतः १० वर्षको जनयुद्ध एवम् १९ दिनको ऐतिहासि जनआन्दोलनका राजनैतिक 
एजेण्डा, त्यसका निम्ति हजारौं सहिदहरुले बगाएको रगत, वेपत्ता तथा घाईते योद्धाहरुको बलिदान, लाखौँ परिवर्तनकामी नेपाली जनताको लगानी र चाहानको ठिक विपरित तीन दलले जनविरोधी संविधान जारी गर्न लागेको भन्दै आज आव्हान गरेको नेपाल बन्दका कारण उपत्यका भन्दा उपत्यका बाहिरको जनजीवन केही प्रभावित भएको समाचार प्राप्त भएको छ ।
राजधानीमा बिहानैदेखि गाडी चलिरहेको भए पनि ललितपुरको महालक्ष्मीस्थान र पुल्चोक तथा काठमाडौंको रवीभवनमा बम भेटिएको छ । यसरी भेटिएको बम प्रहरीका अनुसार नेपाली सेनाको बम डिस्पोजल टोलीले तीनै स्थानको बम निष्क्रिय पारेको बुझिएको छ । त्यस्तै बम भेटिएको स्थानबाट प्रहरीले नेकपा माओवादी लेखिएको पर्चा र झन्डा पनि बरामद गर्नुको अलावा राजधानीको सुरक्षा व्यवस्था अझै कडा बनाइए भएपनि राजधानीको जनजीवन सामान्य नै रहेको जनाएको छ । त्यस्तै बन्दको नाममा आज बिहान सडकमा अवरोध गर्न खोज्ने ११ जनालाई प्रहरीले उपत्यकाका विभिन्न ठाउँबाट पक्राउ गरिएको जनाएको छ ।
