काठमाडौ आश्विन १, भारतीय प्रधानमन्त्री नरेन्द्र मोदीका विशेष दूतका रुपमा भारतका विदेश सचिव एस जयशंकर आज नेपाल भ्रमणको लागि भन्दै राजधानी आइपुगेका छन् । नेपाल भ्रमणमा आइपुगेका भारतीय विदेश सचिव जयशंकरले शुक्रबार राष्ट्रपति डा। रामवरण यादव, प्रधानमन्त्री सुशील कोइराला, सेना प्रमुख 
राजेन्द्र क्षेत्रीसँग छुट्टाछुट्टै भेट गर्ने कार्यक्रम रहेको सम्वद्ध स्रोतले जनाएको छ ।
त्यस्तै समाचार स्रोतका अनुसार विदेश सचिव जयशंकरले सिमाङकनको सवालमा आन्दोलित हुँदै समग्र संविधान निर्माणको प्रक्रियामा असमति प्रकट गर्दै आइरहेको मधेसवादीदल सहित एमाले अध्यक्ष केपी ओली र एमाओवादी अध्यक्ष पुष्पकमल दाहालसँग पनि भेट गर्ने कार्यक्रम रहेको दावी गरेका छन । नयाँ संविधान जारी हुने निश्चित भइसकेको अवस्थामा भारत सरकारले नेपालमा आफ्नो दूतको भ्रमणलाई चासोका साथ हेरिएको छ । भारतीय विदेश सचिव शनिबार नै स्वदेश फर्किने कार्यक्रम छ ।
