काठमाडौ भाद्र २८, नेपालको संविधान, २०७२ आगामी आश्विन ३ गते साँझ ५ बजे जारी गर्ने तयारी भएको संसद सचिवालयले जनाएको छ । सचिवालयका 
अनुसार मुलुकको नयाँ सविधान जारी गर्ने निमन्त्रणा सहित राष्ट्रपति डा रामवरण यादवसंग भेटघाटका लागि संविधानसभाका अध्यक्ष सुवास नेम्वाङ र सचिवालयका महासचिव मनोहरप्रसाद भट्टराई आज साँझ राष्ट्रपति कार्यालय शीतलनिवास जाने तयारी रहेको बुझिएको छ ।
त्यस्तै आश्विन ३ गते लागि प्रस्तावित मितिमा संविधानसभा भवनमा विशेष समारोहका वीच राष्ट्रपति डा यादवले संविधान जारी भएको घोषणा गर्नुहुने र यसको लागि मतदान प्रक्रियालाई केही दिनभित्रै टुङ्गो लगाएर संविधान जारी गर्ने आवश्यक तयारी सचिवालयले गरेको प्राप्त समाचारमा उल्लेख गरिएको छ ।
