हिंसात्मक वा विध्वंसात्मक कार्य गरेको देखे सुरक्षाकर्मीलाई गोली प्रहार गर्न आदेश
काठमाडौं भाद्र ७, जिल्ला सुरक्षा समितिको बैठकले त्यस क्षेत्रमा सिर्जित तनावको स्थितीलाई दृष्टिगत गर्दै सोमवार ८ बजेदेखि तीन साता अर्थात भाद्र २२ गते सम्मका लागि दङ्गाग्रस्त जिल्ला घोषणा गरिएको छ । घोषित दङ्गाग्रस्त क्षेत्रमा कुनै प्रकारको भेला, जुलुस, सभा बैठक, प्रदर्शन, पोस्टर, पर्चा लेख्न वा टाँस्न निषेध गरिएको छ । निजी तथा सार्वजनिक सम्पत्ति तोडफोड गर्ने तथा हिंसात्मक वा विध्वंसात्मक कार्य गरेको देख्नेबित्तिकै सुरक्षाकर्मीले गोली प्रहार गर्न सक्ने आदेश रहेको हुन्छ ।
पूर्वमा रामपुर गाविस भवनदेखि पश्चिमतर्फ घोराही नगरपालिकासँग जोडिएको लक्ष्मीपुर गाविस, घोराही नगरपालिका र सोको एक किमी आसपासका क्षेत्र, तुलसीपुर नगरपालिका र सोको एक किमी आसपासका क्षेत्र तथा घोराही–तुलसीपुर सडक खण्डबीचको क्षेत्रलाई दङ्गाग्रस्त क्षेत्र घोषणा गरिएको जिल्ला प्रशासन कार्यालयले जनाएको छ ।
यसैवीच सोमवार बसेको राष्ट्रिय सुरक्षा समितिको बैठकले आवश्यकता अनुसार सेना परिचालन गर्न प्रमुख जिल्ला अधिकारीहरुलाई आदेश दिएपछि बैठकले दाङ्मा टिकापुर लगायतका तनावग्रस्त क्षेत्रमा सेना परिचालन गर्न आदेश दिएको र सोहि आदेश अनुरुप दाङ्मा सेना परिचालन भएको अपुष्ट खबर पनि प्राप्त भएका छन ।