काठमाडौं श्रावण २४, प्रमुख राजनीतिक दलहरुबीच संविधानको विवदित प्रसंगमा शनिबार भएको सहमति पछि अव नागरिकताका विषयमा वंशजका आधारमा नागरिकता लिँदा बाबु वा आमा मध्ये एकको नामबाट लिन सकिने भएको छ ।
त्यस्तै दलहरुवीत विवादित यावत सवालमा सहमति भएपनि चर्चाको चरम चुलीमा रहेको धर्मनिरपेक्षता र थ्रेसहोल्डका विषयमा भने सहमति हुँन सकेको छैन् । त्यस्तै सहमति भएको प्रतिवेदन विशेष समितिले गएराति बसेको संवाद समितिको बैठकमा पेश गरेको छ ।
विशेष समितिले जनताको सुझावअनुसार मिलेका विषयमा एक खण्ड र छलफलको सूचीमा रहेका विषयलाई अर्को खण्डमा समेटेर प्रतिवेदन पेश गरेको हो । विशेष समितिले बुझाएको प्रतिवेदनमाथि संवाद समितिमा आज छलफल हुने छ । त्यसपछि आइतबार दिउँसो बस्ने संविधानसभाको बैठकमा प्रतिवेदन पेश हुने बताईएको छ ।
