तत्काल वस्ती सार्नुपर्नेमा सभासद केसीको जोड
काठमाडौं भाद्र ११, गएराती राति परेको अविरल वर्षाका कारण नुवाकोटको गोर्स्याङ गाविस–२ गएको पहिरोमा परी कम्तीमा पाँच जनाको मृत्यु भएको छ ।
स्थानीय प्रहरीका अनुसार गोर्स्याङ गाविसमा पहिरोबाट दुईवटा घर पुरिदा २५ वर्षीय सोमबहादुर तामाङ , ४४ वर्षीय सुकुमाया तामाङ, ३६ वर्षीय फुल्कुमाया तामाङ, १२ वर्षीय केशब तामाङ र ८ वर्षीय पूर्णबहादुर तामाङको मृत्यु भएको जनाएको छ ।
घटनास्थलमा प्रहरी र स्थानीयबासिन्दाले उद्धारको प्रयास गरिरहेको भए पनि पहिरो गइरहेका कारण उद्धारमा कठिनाई भएको बताईएको छ । त्यस्तै नुवाकोटका कांग्रेस सभापति एवम् सभासद जगदिश्वरनरसिंह केसीले गोर्स्याङ गाविस–२ का वस्ती अझै पहिरोको जोखिममा रहेको र तत्काल वस्ती अनेत्र नसारिए ठूलो मानवीय क्षती हुने संभावना रहेको बताउँदै पहिरो पिडीत परिवारको राहत र उद्धारका लागि सरकारले तुरुन्तै कदम चाल्नु पर्नेमा जोड दिनु भएको छ ।