काठमाडौ आषाढ २४, संविधानसभाको गत मङ्गलबारको बैठकले नेपालको संविधान, २०७२ को प्रारम्भिक मस्यौदा सर्वसाधारणको जानकारीका लागि राजपत्रमा प्रकाशन गर्ने प्रसंगमा गरेको निर्णय अनुरुप सरकारले संविधानको ३७ भाग, २९७ धारा र सात अनुसूची सहित १६७ पृष्ठको प्रारम्भिक मस्यौदा नेपाल राजपत्रमा 
प्रकाशन गरेको छ ।
त्यसअघि संविधानसभाले संविधानको विधेयकको पहिलो मस्यौदालाई सैद्धान्तिक सहमति दिई जनताको प्रतिक्रिया प्राप्त गर्नका निमित्त पाँच दिनको छलफलपछि नेपाल राजपत्रमा प्रकाशित गरी सार्वजनिक गरियोस्’ भन्ने प्रस्ताव पारित गरेको थियो ।
त्यस्तै नागरिक सम्बन्ध तथा संविधान सुझाव समितिले पनि आजै संविधानसभामा पेस गरेको जनताको सुझाव लिनेसम्बन्धी कार्ययोजनासहितको प्रस्ताव संविधानसभाले पारित गरेको छ ।
