काठमाडौ श्रावण ८, नेत्रविक्रम चन्द ‘विप्लव’ नेतृत्वको नेकपा माओवादीले आव्हान गरेको आजको नेपाल बन्दको क्रममा उपत्यकामा फाट्टफुट्टमात्र सार्वजनिक सवारी साधन चलेका कारण जनजीवन प्रभावित बनेको छ । त्यस्तैगरि सार्वजनिक सवारी साधनमा तोडफोड गर्दै उपत्यकामा जबर्जस्ती बन्द गराउँदै हिँडेका ७४ जना बन्दकर्तालाई काठमाडौँबाट नियन्त्रणमा लिएको प्रहरीले जनाएको छ ।
प्रहरीका अनुसार बोतल र जर्किनमा पेट्रोल बोकेका ती बन्दकर्तालाई पक्राउ गरिएको महानगरीय प्रहरी कार्यालयका प्रवक्ता वरिष्ठ प्रहरी उपरीक्षक नारायणसिंह खड्कालाई उदृत गद्र्रै प्राप्त समाचारमा उल्लेख रहेको छ । त्यस्तै बन्दकर्ताले आज बिहान काठमाडौँमा पाँच र ललितपुरमा तीनवटा सवारी साधनमा तोडफोड गरेका जानकारी दिएको छ ।
त्यस्तै गरि प्रहरीका अनुसार आजको बन्दको क्रममा मोफसलबाट रेको नेपाल बन्द सफल पार्न हिँडेका विप्लव’ नेतृत्वको नेकपा माओवाादी बागलुङका सेक्रेटरी सहित ११ जना कार्यकर्ता लाई पक्राउ गरेको थाहा भएको छ ।
यसैवीच प्रहरी मुख्यालका अनुसार देशका विभिन्न स्थानमा २० वटा सवारीसाधनमा तोडफोड तथा आगजनी गरी क्षति पु¥याएको प्रहरी प्रधान कार्यालयले जनाएको छ । तोडफोडमा संलग्न १९७ जना पुरुष र पाँच जना महिला गरी २०२ जनालाई प्रहरीले नियन्त्रणमा लिएको छ भने चार जनालाई छानबिन पश्चात रिहा गरिएको प्रहरीले जनाएको छ ।