काठमाडौ ज्येष्ठ ३२, गत बैशाख १२ को महाभूकम्पपीडितको सहयोगार्थ यशोदादेवी–भगवानसिंह केसी फाउन्डेसनले प्रधानमन्त्री दैवी प्रकोप उद्धार कोषमा रु ४ लाख एक हजार १०१ प्रदान गरेको छ 
। अर्जुननरसिंह केसी, डा. केदारनरसिंह केसी, जगदीशनरसिंह केसीले प्रधानमन्त्री निवासमा आज आयोजित कार्यक्रममा फाउन्डेसनका तर्फबाट संयुक्त रूपमा सो रकमको चेक प्रधानमन्त्री सुशील कोइरालालाई हस्तान्तरण गर्नुभएको हो ।
सहयोग रकम बुझ्दै प्रधानमन्त्री कोइरालाले त्यसअवसरमा राजनीतिक दलहरू राष्ट्रियता, विकास, शासन सञ्चालन पद्धतिमा एकताबद्ध भएर लाग्ने हो भने मुलुकको विकासको गति नरोकीने बताउँनु भएको थियो ।
