काठमाडौ ज्येष्ठ ३१, शुल्क मिनाहको माग गर्दै आन्दोलित १३ विद्यार्थी सङ्गठनको दवाव पछि निजी विद्यालयले गरेको शुल्कवृद्धि फिर्ता र भूकम्पका कारण बन्द भएको एक महिना अवधिको 
शुल्क मिनाहा गर्नुपर्ने माग गर्दै वैशाख महिनाको मासिक शुल्कमा ५० प्रतिशत छुट दिन सहमत भएपछि घोषित आन्दोलनका कार्यक्रम फिर्ता लिएका छन् । महाभूकम्पका कारण प्रताडित बिदा अवधिको शुल्क मिनाह र गत वैशाख ६ गते सरकार र अभिभावक तथा विद्यार्थी सङ्गठनबीच नयाँ शैक्षिक सत्रमा गरिएको शुल्कवृद्धि फिर्ताको माग गर्दै विद्यार्थी सङ्गठनले आन्दोलित हुँदै आएको थियो ।
त्यस्तै नेपाल विद्यार्थी सङ्घका प्रवक्ता युपी लामिछानेले सरकारको आग्रह र निजी विद्यालय सञ्चालकको प्रतिबद्धतापछि हाललाई आन्दोलनका कार्यक्रम फिर्ता गरिएको जानकारी दिएका छन ।
विद्यार्थी सङ्गठनले निजी विद्यालयले गरेको शुल्कवृद्धि फिर्ता र भूकम्पका कारण बन्द भएको एक महिना अवधिको शुल्क मिनाहा गर्नुपर्ने माग गर्दै आजै प्रधानमन्त्री सुशील कोइरालासमक्ष ज्ञापनपत्र बुझाएका थिए ।
