काठमाडौं अषाढ ३, प्रहरी प्रधान कार्यालयले पाँच एसएसपीको सरुवा निकाल्दै महानगरीय प्रहरी अपराध महाशाखाको जिम्मेवारी एसएसपी सर्वेन्द्र खनाललाई दिएको छ । महाशाखा प्रमुख पुष्कर कार्की युएन मिसनमा जान विदामा बसेपछि प्रहरी मुख्यालयले नियमित सरुवामा महाशाखामै सरुवा हुने गरी खनाललाई काजमा उक्त जिम्मेवारी दिएको हो ।
यसअघि एसएसपी खनालले प्रहरी मुख्यालयमा सह–प्रवक्ताको जिम्मेवारी सम्हाल्दै आएको थियो । यसैगरी एसएसपी पिताम्बर अधिकारीलाई महानगरीय प्रहरी परिसर ललितपुरमा भेरीका राजेन्द्र श्रेष्ठ प्रधान कार्यालयको अन्वेशणमा र ललितपुरका पुष्पचन्द्र रञ्जितलाई अपराध अनुसन्धान विभागमा सरुवा गरिएको प्रहरी मुख्यालयले जनाएको छ ।