काठमाडौ आषाढ ८, विश्व बैंक समूहले नेपालको पुनःनिर्माणका निम्ति करिब रु ५० अर्ब लगानी गर्ने भएको छ । लगानी गरिने उक्त रकम बैंक सञ्चालक 
समितिको स्वीकृतिमा निर्भर हुने समूहको प्रधान कार्यालय वासिङ्टन डिसीबाट आज अपराह्न प्राप्त प्रेस विज्ञप्तिमा जनाइएको छ । निर्धन ग्रामीण क्षेत्रमा आवास पुनःनिर्माणका निम्ति रु २० अर्ब र रुसरकारी बजेट तथा बैङकिङ प्रणालीको सुदृढीकरणमा रु १० अर्ब लगानी हुने तथा विश्व बैंकका विद्यमान परियोजना र पुनःनिर्माणका प्रयासमा क्रमशः रु १० र २० अर्ब अतिरिक्त लगानी गरिने छ ।
“सहायता आवश्यक परेको अहिलेको जटिल अवस्थामा विश्व बैंक समूह नेपाली जनताका साथमा छ, हामी नेपाल सरकार र उसका अन्तर्राष्ट्रिय साझेदारसँग उपयुक्त पुनःनिर्माणका निम्ति स्रोत जुटाउन सहकार्य गरिरहेका छौँ,”– भूकम्पपीडित गरिबका घर पुनःनिर्माण र उनीहरूको जीवन यापनलाई सहज तुल्याउन बैंकले हरसम्भव प्रयत्न गर्ने स्पष्ट गर्दै समूहका अध्यक्ष जिम यङ किमले भन्नुभएको छ । ईहिराल्डपोष्टबाट
