काठमाडौ आषाढ १२, संविधान मस्यौदा समितिअन्तर्गतको कार्यदलले तयार पारेको एकीकृत मस्यौदाको विषयमा पूर्ण सहमति जुटाउन भन्दै प्रधानमन्त्री निवास बालुवाटारमा अपराह्न प्रमुख चार राजनीतिक दलवीच भएको छलफल बिनानिष्कर्ष टुङगिएको छ । कार्यदलले समितिमा शुक्रबार पेस गरेको मस्यौदाका विषयमा छलफलको लागि भन्दै आज बैठक बसेको हो । त्यस्तै अपरान्हको बैठकमा सहमति नभएपनि साँझ बस्ने बैठकले सहमति कायम गर्ने संभावना रहेको एमाले नेता भिम रावलले बताउँनु भएको छ ।
नेता रावलका अनुसार दलबीच बहुलवाद, नागरिकता, समानुपातिक तथा समावेशी प्रतिनिधित्वलगायतका विषयमा एकमत बन्न नसकेको हो । कार्यदलले तयार पारेको मस्यौदामाथि आजदेखि समितिको पूर्ण बैठकमा छलफल हुने कार्यक्रम रहेको छ ।