काठमाडौ अषाढ ३, सभासद तथा तमलोपाका नेता वृजेशकुमार गुप्ताले दाइजोको कारण देखाउँदै पटक–पटक कुटपिट गरेको, विवाह गरेको सात वर्षसम्म पनि विवाह दर्ता र नागरिकता नबनाइदिएको मात्र नभएर चार वर्षको छोराको जन्म दर्ता नगरिदिएको, पटक–पटक सम्बन्ध विच्छेद गर्न दबाब दिएको र पटक–पटक गर्भपतन गराउन दबाब 
सहित आफूमाथि श्रीमान्ले घरेलु हिंसा गरेको भन्दै न्यायका लागि आग्रह गरेकी छिन ।
श्रीमती गुप्ताले आज राजधानीमा पत्रकार सम्मेलन गरी आफना श्रीमान् तथा सभासद वृजेशकुमार गुप्ताले विवाहपछि मेरो श्रीमान्ले दाइजो स्वरूप स्कर्पियो गाडीको माग गरेको र त्यो माग मेरो माइतीबाट पूरा गर्न नसकेपछि ममाथि ज्यादती सहित घरेलु हिंसा गर्दै आएको खुलासा गरेको हो ।
त्यस्तै पत्रकार सम्मेलनमा श्रीमती गुप्ताले न्यायको माग गर्दै संविधानसभाका अध्यक्ष सुवास नेम्वाङ, तमलोपाका अध्यक्ष महन्थ ठाकुर र राष्ट्रिय महिला आयोगलाई समेत ज्ञापनपत्र र निवेदन दिएको तर त्यसको सुनुवाइ नभएको समेत बताएको प्राप्त समाचारमा उल्लेख रहेको छ ।
