काठमाडौ वैशाख २६, गत वैशाख १२ गते गएको भूकम्पबाट क्षतिग्रस्त बनेको काठमाडौँको पूर्वी भेगस्थित साँखुका भग्नावशेष हटाउन सरकारले दिएको निर्देशन अनुरुप आजबाट त्यहाँको भग्नावशेष हटाई सरसफाइको कार्य सुरु गरेको छ ।
शिक्षा, कृषि र वन मन्त्रालयका सचिवत्रय क्रमस विश्वप्रकाश पण्डित, शङ्करप्रसाद अधिकारी र जयमुकुन्द खनाल सहित दुई हजार कर्मचारी ऐतिहासिक, पुरातात्विक र धार्मिक सहर साँखुमा उपस्थितमा भग्नावशेष हटाई सरसफाइको कार्य सुरुगरेको हो ।
त्यस्तै प्रस्तुत अभियानमा नेपाली सेना, सशस्त्र प्रहरी र जनपद प्रहरीको पनि उल्लेख्य सङ्ख्यामा उपस्थिति रहेको थियो ।