काठमाडौ बैशाख २४, गत वैशाख १२ गते गएको विनासकारी महाभूकम्पमा परी अहिलेसम्म सात हजार ८०२ जनाको मृत्यु भएको छ भने घाइते हुनेको सङ्ख्या १६ हजार ४३२ पुगेको गृहमन्त्रालयलेजनाएको छ। गृहमन्त्रालयले आज साँझ सार्वजनिक गरेको विवरणमा मृत्युहुनेमध्येमा ६७ जना विदेशी त्यस्तैगरि ११जना कर्मचारी सशस्त्र प्रहरी बलका एक, नेपाली सेनाका नौ, नेपाल प्रहरीका पाँच र सर्वसाधारण गरि सात हजार ७०९ पुगेको जनाएको छ ।
त्यस्तै सिन्धुपाल्चोकमा सबैभन्दा धेरै दुई हजार ९९१ पुगेको छ भने काठमाडाँैंमा एक हजार २१० पुगेको जनाउँदै मन्त्रालयले भूकम्पका कारण सर्वसाधारणका दुई लाख ८८ हजार ७९८ घर र त्यस्तैगरि १० हजार ७९० सरकारी घर तथा भवन पूर्णरुपमा क्षति हुनुको अलावा आंशिकरुपमा दुई लाख ५४ हजार ११२ घरमा क्षति भएको मन्त्रालयले जनाएको छ ।