बिहिबार, भदौ २, २०७९

युनियनको २४औं स्थापना दिवसः भूकम्प प्रभावित सञ्चारकर्मीलाई सहयोग गर्न विशेष कार्ययोजना ल्याइने

काठमाडौं ज्येष्ठ १४,  विनाशकारी भूकम्पबाट प्रभावित सञ्चारकर्मी र सञ्चार गृहलाई विशेष सहयोग गर्न सूचना तथा सञ्चार मन्त्रालयले कार्ययोजना ल्याउने भएको छ । नेपाल प्रेस युनियनको २४औं वार्षिकोत्सवको अवसरमा  बुधवार  आयोजित कार्यक्रममा सञ्चार मन्त्री डा मीनेन्द्र रिजालले अन्य पेसाभन्दा पत्रकारिता पेसा विपत्तिको बेला झन् खटिनुपर्ने भएकाले विपत्तिपछिको पुनःनिर्माण तथा राहतमा पत्रकारको पेसाको जोखिमका कारण विशेष अधिकार बन्नुपर्ने धारणा राख्नुभएको छ ।  सरकारका प्रवक्तासमेत रहनुभएका सञ्चार मन्त्री डा रिजालले पत्रकार, सञ्चार उद्यमी, सम्बन्धित सङ्घसंस्थाका प्रतिनिधिसँग छलफल गरेर भूकम्पबाट प्रभावित सञ्चारकर्मी र सञ्चार गृहलाई विशेष सहयोग पुग्ने गरी कार्ययोजना ल्याइने जानकारी दिनुभयो ।

कार्यक्रममा नेपाली काँग्रेसका केन्द्रीय सदस्य तथा सभासद् गगन थापाले भूकम्पपछिको अवस्थामा एकातिर नेपाल अब हाइटी बन्छ भन्ने निराशावादी सोच र अर्कोतिर शोकलाई शक्तिमा रुपान्तरण गर्नुपर्छ भन्ने भावनात्मक सोचबाट मुक्त भई विपत्तिको घडीमा राष्ट्र पुनःनिर्माणका लागि स्थिर विचारको खाँचो रहेको बताउनुभयो ।  युवा नेता थापाले एकथरि मानिसले सरकारको असफलताको सन्देश फैलाउँदै समानान्तर भूमिका निर्वाह गर्न खोजेकाले त्यस्ता सूचना सम्प्रेषण गर्दा सञ्चारकर्मी चनाखो हुनुपर्ने विचार व्यक्त गर्नुभयो । उहाँले विपत्तिको अवस्थामा प्रभावित जनतालाई राहत तथा पुनःस्थापनाको कार्यमा सरकारले नै नेतृत्व लिनुपर्ने धारणा राख्दै सरकारको विकल्प सरकार नै हुने बताउनुभयो ।

कार्यक्रममा राष्ट्रिय समाचार समिति रासस अध्यक्ष तथा युनियनका पूर्व केन्द्रीय अध्यक्ष कुलचन्द्र वाग्लेले मुलुक भूकम्पपछिको संवेदनशील अवस्थामा सञ्चारकर्मीले आफ्नो भूमिका निर्वाह गर्दा विशेष ध्यान दिनुपर्ने बताउनुभयो । राष्ट्रिय सूचना आयोगका आयुक्त किरणकुमार पोखरेलले पत्रकारलाई उद्धार तथा राहतसम्बन्धी सूचना प्राप्त गर्ने क्रममा कुनै कठिनाइ भए आयोगले पूर्णरुपमा सघाउने बताउनुभयो ।

कार्यक्रममा वरिष्ठ पत्रकार तथा देशान्तर साप्ताहिकका प्रधान सम्पादक कबिर राणा, युनियनका पूर्व केन्द्रीय अध्यक्ष समिरजङ्ग शाह, युनियनका वरिष्ठ उपाध्यक्ष दीपक आचार्य, युनियनका उपाध्यक्षद्वय ईश्वरी ओझा र बाला अधिकारी, महासचिव अजयबाबु सिवाकोटी, नेपाल पत्रकार महासङ्घका केन्द्रीय सदस्य प्रकाश तिमिल्सिना, प्रेस चौतारी नेपालका महासचिव माधव नेपाल, क्रन्तिकारी पत्रकार सङ्घका महासचिव सचिन रोका, अन्तर्राष्ट्रिय पत्रकार महासङ्घका प्रतिनिधि उज्वल आचार्यलगायतले भूकम्पपछिको विपत्तिको अवस्थामा सञ्चारकर्मीले निभाएको भूमिकाको प्रशंसा गर्नुभएको थियो ।

साल्ट ट्रेडिङ्ग कपोर्रेशन लिमिटेड

कालिमाटी, काठमाडौं
फोन नं: ०१४ २७० ३१५ ,फ्याक्स: ०१४ २७१ ७०४
Email salt@stcnepal.com, admin@stcnepal.com

नेपालको सवैभन्दा पुरानो सुपर मार्केट

विशाल बजार कम्पनी लि.
शुक्रपथ, काठमाडौं, नेपाल

फोन: ०१४ २२८ ३४२, ०१४ २४२ १८५, ०१४ २२२ ४२३
Email: info@bishalbazar.com.np

खबरका दस्तावेजहरु

May 2015
S M T W T F S
 123
45678910
11121314151617
18192021222324
252627282930