काठमाडौं वैशाख ३, कुशल राजनीतिज्ञका रुपमा परिचित पूर्वप्रधानमन्त्री एवम् राष्ट्रिय प्रजातन्त्र पार्टीका वरिष्ठ नेता सूर्यबहादुर थापाको गएराति भारतको नयाँदिल्लीस्थित मेदान्त अस्पतालमा ८८ वर्षको उमेरमा निधन भएको छ । उहाँको गत शुक्रबार नयाँदिल्लीस्थित मेदान्त अस्पतालमा अल्सरको शल्यक्रिया गरिएको थियो ।
नेता थापाले विभिन्न कालखण्डमा गरि पाँच पटक मुलुकको प्रधानमन्त्रीको जिम्मेवारी सम्हाल्नुभएको थियो । उहाँको पार्थिक शरीरलाई आजै अपराह्न काठमाडौँ ल्याउने र शुक्रवार श्रद्धाञ्जलीका लागि रङशालामा राखिने त्यपछि भोलीनै अन्तिम संस्कार गरिने तयारी भइरहेको राष्ट्रिय प्रजातन्त्र पार्टीले जनाएको छ ।