काठमाडौ चैत्र २४, नेपाल उद्योग वाणिज्य महासङ्घले एमाओवादी नेतृत्वको ३० दलीय मोर्चाले घोषणा गरेको आमहडतालको कार्यक्रम फिर्ता लिन 
एमाओवादी अध्यक्ष पुष्पकमल दाहालसङग आग्रह गरेको छ ।
महासङ्घका कार्यबाहक अध्यक्ष पशुपति मुरारका नेतृत्वको प्रतिनिधी मण्डलले अध्यक्ष दाहाललाई आज उहाँको निवास लाजिम्पाटमा भेटवार्ता गर्दै बन्दले जनजीवन प्रभावित भएको बताउँदै आम सर्वसाधारण उद्योग व्यवसायी समस्यामा परेको अवगत गराउँदा एमाओवादी अध्यक्ष दाहालले आफूले ३० दलीय मोर्चाको आजको बैठकमा बन्द फिर्ता गर्ने वा नगर्ने भन्ने विषयमा छलफल गर्ने आश्वासन दिनुभएको कार्यबाहक अध्यक्ष मुरारकाले जानकारी दिनुभएको छ । एमाओवादी नेतृत्वको ३० दलीय मोर्चाले मंगलबारदेखि तीन दिन आमहड्ताल आह्वान गरेका छन् ।
आमहड्तालको पहिलो दिन राजधानीसहित देशभरको जनजीवन प्रभावित बनेको छ ।
