आमहड्तालको पहिलो दिन दर्जनौं सवारी साधनमा तोडफोड र आगजनी

बिजुली बजारमा प्रदर्शनकारी र प्रहरीबीच अपरान्ह दोहरो झडप

बिजुलीबजारमा आजको आमहड्ताल समापन कोणसभा 

साँझ ५ बजे राजधानीको सडकमा सवारी साधन गुड्न थाले

मोर्चाको बैठक बस्दै

काठमाडौ चैत्र २४, एमाओवादी नेतृत्वको ३० दलीय मोर्चाले मंगलबारदेखि तीन दिन आमहड्ताल आह्वान गरेको आमहड्तालको पहिलो दिन राजधानीसहित देशभरको जनजीवन प्रभावित बनेको छ । यसवीचमा बन्दकर्ता बन्दलाई अवज्ञा गरेको भन्दै देशभरमा दर्जनौं सवारी साधनमा तोडफोड , आगजनी गरेका छन भने राजधानीको बिजुली बजारमा प्रदर्शनकारी र प्रहरीबीच अपरान्ह दोहरो झडपसमेत भएको थियो ।

३० दलीय मोर्चाले आमहड्तालको समयसिमा विहान ५ वजे दखि साँझ ५ बजे सम्म कायम रहने पूर्वघोषणा अनुरुप अहिले ५ बजेपछि राजधानीको सडकमा सामान्यरुपमा सवारी साधन गुड्न  थालेको छ । यसअघि बिजुलीबजारमा आयोजित आजको आमहड्ताल समापन कोणसभा सकिएलगत्तै मोर्चाका कार्यकर्ताहरु सडकबाट हटेका थिए । कोणसभालाई एमाओवादीका सचिव वर्षमान पुन, संघीय समाजवादीका महासचिव राजेन्द्र श्रेष्ठलगायतले सम्बोधन गर्नु भएको थियो ।