काठमाडौ फागन २६, महानगरीय प्रहरी अपराध महाशाखाले काठमाडौ महानगरपालिका वडा न.१५ स्वयम्भूस्थित मुस्ताङ गुम्बाबाट गैरकानुनीरुपमा जुवा खेल्ने र 
खेलाउने कार्यमा सहभागी ३० जनालाई सोमवार पक्राउ गरेको छ । महानगरीय अपराध महाशाखा हनुमानढोकाले गोप्य सूचनाका आधारमा उक्त स्थानमा खानतलासी गर्दा छ महिला र २४ पुरुष एउटै स्थानमा चार खाल बनाई क्यासिनो जस्तो गरी जुवा खेलिरहेको अवस्थामा पक्राउ गरेको हो ।
अभियुक्तबाट रु १२ लाख १२ हजार ३७०, १३ थान तासलगात बरामद गरिएको र तिनलाई जुवा ऐनअन्र्तगत आवश्यक कारबाही गरिने महाशाखाले जनाएको छ । पक्राउ पर्नेहरु अधिकांश काठमाडौं र ललितपुर निवासी रहेका छन् । महाशाखाका अनुसार पक्राउ पर्नेहरुमा वाङगेल नोर्डन, सुनिला घिमिरे, डोल्मा भन्ने लाक्पा गुरुङ, तेन्जिङ वान्सी, केसाङ वाङज्याल, आई लामा भन्ने थुप्तेन, छ्योदक लामा र लामाछ्याप्पा लामासहित ३० जना रहेका छन् ।
