काठमाडौं चैत्र १०, अख्तियार दुरुपयोग अनुसन्धान आयोगले थ्री फेज विद्युत् लाइन जडानको क्रममा सेवाग्राहीसँग घुस लिएको अभियोगमा पक्राउ परेका 
नेपाल विद्युत् प्राधिकरण मलङ्गवा वितरण केन्द्रका एक कर्मचारीविरुद्ध विशेष अदालतमा मुद्दा दायर गरेको छ ।
आयोगकाअनुसार मलङ्गवा वितरण केन्द्र लालबन्दी प्रशासन शाखामा कार्यरत कर्मचारी रामाशङ्कर पासवानसमेतले सेवाग्राहीसँग रु ७० हजार घुस लिई इलेक्ट्रिसियन आत्मराम ढुङ्गेललाई राख्न दिएका थिए । आयोगले सेवाग्राहीसङग अनाधिकृत घुस लिएको अभियोग लागेका पासवान र सिंहविरुद्ध बिगो रकम असुलउपर सहित कारबाहीको माग गर्दै आज मुद्दा दर्ता गरेको जनाएको छ ।
