काठमाडौ चैत्र ५, अख्तियार दुरुपयोग अनुसन्धान आयोगले सेवाग्राहीसँग घुस लिने रुपन्देही नापी कार्यालयका नापी सर्वेक्षक रामराज यादवविरुद्ध आज मुद्धा दायर गरेको छ । नापी सर्वेक्षक यादवले जग्गा हालसाविक गर्ने प्रयोजनका लागि सेवाग्राहीसँग रु छ हजार घुस लिएको पुष्टि भएकाले कानुनबमोजिम सजायको मागदावीका साथ विशेष अदालतमा आरोपपत्र दायर गरेको आयोगले जनाएको छ ।
त्यसैगरी, आजै आयोगले प्रहरी प्रधानकार्यालयमा कार्यरत प्रहरी सहायक निरीक्षक कर्णबहादुर खड्का विरुद्ध पनि मुद्धा दायर गरेको छ । आयोगका अनुसार खड्काले बढुवा प्रयोजनका लागि नक्क्लीे शैक्षिक योग्यताको प्रमाणपत्र पेस गरेको जनाएको छ ।