काठमाडौ चैत्र २, व्यवस्थापिका–संसदअन्तर्गतको संसदीय सुनवाई विशेष समितिको आज बसेको बैठकले लोकसेवा आयोगमा नियुक्तिका लागि सिफारिस गरिएका 
अध्यक्ष र सदस्यविरुद्ध परेको उजुरी माथिको सुनवाई आगामी बुधवार र अख्तियार दुरूपयोग अनुसन्धान आयोगका आयुक्तहरूविरुद्ध परेका उजुरीको सुनवाई चैत ८ गते गर्ने भएको छ ।
सरकारले केही दिनअघि लोकसेवा आयोगको अध्यक्षमा उमेशप्रसाद मैनाली र सदस्यमा बिन्दा हाडा, गोविन्दप्रसाद कुसुम, श्रीपुरुष ढकाल, अशोककुमार झा, ब्रम्हदेव राय, कृष्णचन्द्र झालाई नियुक्तिका लागि सिफारिस गरेको थियो भने आयोगका आयुक्तमा दीप बस्न्यात, नवीनकुमार घिमिरे, गणेशराज जोशी, राजनारायण पाठक र डा सावित्री गुरुङलाई नियुक्तिका लागि सिफारिस गरेको थियो
