काठमाडौ फागुन २२, अखिल नेपाल फुटबल सङ्घ एन्फाले विश्वकप छनोटअन्तर्गत पहिलो चरणका खेलका लागि २३ सदस्यीय राष्ट्रिय फुटबल टोलीको घोषणा भएको छ । यसरी घोषणा गरिएको टोलीमा कप्तान सागर थापा सहित अनन्त तामाङ, दिनेश राजवंशी, अञ्जन विष्ट, विशाल राई, हेमन गुरुङ र रञ्जित धिमाल गरी छजनाले पहिलोपटक राष्ट्रिय टोलीमा अवसर पाएका छन् ।
त्यस्तै गरि विकास कुथू, किरण चेम्जोङ, रितेश थापा, विराज महर्जन, सन्दीप राई, रविन श्रेष्ठ र रोहित चन्द छन् । त्यसैगरी विक्रम लामा, भोलानाथ सिलवाल, राजु तामाङ, जगजित श्रेष्ठ, अनिल गुरुङ, सन्तोष साहुखल, भरत खवास, विमल घर्तीमगर र जुमानु राईले पनि आफ्नो नाम सुरक्षित गरेका छन् । शिव श्रेष्ठलाई वैकल्पिकका सदस्य खेलाडीको रुपमा चयन गरिएको छ ।
नेपालले आफ्नो पहिलो खेल ‘अवे म्याच’का रूपमा गुहाटीमा २२ मार्चमा भारतविरुद्ध खेल्नेछ भने १७ मार्चमा दशरथ रङ्गशालामा ‘होम म्याच’ खेल्नेछ ।