काठमाडौँ चैत्र १५, सहमतिका आधारमा संविधान जारी गर्नुपर्ने माग गर्दै एमाओवादी नेतृत्वको तीस दलीय मोर्चाले आज राजधानीमा प्रर्दशन गरेको छ ।राजधानीको भृकुटीमण्डपबाट सुरु भएको प्रदर्शन वीर अस्पताल अगाडि पुगेर कोणसभामा परिणत भएको थियो । कोणसभालाई सम्बोधन गर्दै एमाओवादीका नेता जनार्दन शर्माले सरकारले जानीबुझी मुलुकलाई द्वन्द्वमा लैजान खोजेको आरोप लगाउनुभयो ।
लोकतन्त्रिक सरकारले शान्तिपूर्ण प्रदर्शनलाई रोक्न खोजेर अलोकतान्त्रिक चरित्र प्रदर्शन गर्दै संविधान प्रदत्त हक अधिकारलाई खण्डित गरेको आरोपलगाउँनु भएको छ । प्रदर्शनमा तीस दलीय मोर्चाका नेता तथा कार्यकर्ताको सहभागिता थियो ।