काठमाडौ फागुन २३, अख्तियार दुरुपयोग अनुसन्धान आयोगले सेवाग्राहीहरुबाट रु पाँच हजारदेखि एक लाख पाँच हजारसम्म घुस लिएका सतुङ्गलस्थित नापी 
कार्यालयका छजना सर्वेक्षकविरुद्ध विशेष अदालत काठमाडौँमा मुद्दा दायर गरेको छ ।
सेवाग्राहीसँग घरजग्गा हालसाविक गर्न घुस लिएको पुष्टि भएपछि नापी कार्यालयका छजना सर्वेक्षकविरुद्ध आयोगले शुक्रबार मुद्दा दायर गरेको जनाएको छ । यसरी मुद्धा दायरगरिएका सर्वेक्षकहरुक्रमस वीरेन्द्र पण्डित, मनोजकुमार साह, भोलाप्रसाद बस्ताकोटी, सामसागर महतो, मिथिलेष साह र नरेश साह रहेको अख्तियारको विज्ञप्तिमा उल्लेख रहेको छ ।
