काठमाडौं फागुन १८, सद्भावना पार्टीबाट विभाजीत भई गठन भएको अनिल झा नेतृत्वको संघीय सद्भावना पार्टी र सरिता गिरी नेतृत्वको नेपाल सद्भावना पार्टीबीच आज विधिवत एकीकरण भएको छ । दुबै पार्टीको छुट्टा–छुट्टा बसेको केन्द्रीय समितिको बैठकले पार्टी एकीकरण गर्ने निर्णय गरेकोले दुबै पार्टी एक भएको झा र गिरीले हस्ताक्षर गरेको संयुक्त प्रेस विज्ञप्तिमा उल्लेख गरिएको छ ।
अब नयाँ पार्टीको नाम नेपाल सद्भवाना पार्टी राखिने भएको छ भने चुनाव चिन्ह हात हुनेछ । पार्टीको अध्यक्ष झा हुनेछन् भने गिरीलाई सह–अध्यक्षको जिम्मेवारी दिइएको विज्ञप्त्मिा उल्लेख गरिएको छ । पार्टीको विधान, घोषणापत्र लगायका विषय सोमबार नै निर्वाचन आयोगमा बुझाईएको छ ।
