काठमाडौ चैत्र ९, अख्तियार दुरुपयोग अनुसन्धान आयोगले गाविसका लागि प्राप्त भएको पूँजीगत अनुदानको रकम हिनामिना गरेको अभियोगमा महोत्तरीका एक नायब सुब्बाविरुद्ध विशेष अदालतमा मुद्दा दायर गरेको छ ।
महोत्तरी जिल्लाको वथनाहा गाविसका तत्कालीन सचिव तथा हाल जिल्ला विकास समिति महोत्तरीमा कार्यरत नायब सुब्बा श्यामसुन्दर सिंहले गाविसकोलागि प्राप्त भएको अनुदान रकम रु ३४ लाख ४७ हजार १६४ हिनामिना गरेको आयोगले आज जारी गरेको विज्ञप्तिमा उल्लेख छ ।