काठमाडौ फागुन १९ होली पर्वको अवसरमा जोकोहिले पनि कसैको इच्छा विपरीत जबर्जस्ती रङ दल्ने, प्लास्टिकजन्य लोला हान्ने, फोहर पानी छ्याप्ने तथा महिला, 
बालबालिकालगायत बाटो हिँड्नेलाई दुःख दिनेजस्ता कार्य नगर्न गृहमन्त्रालयले आह्वान गरेको छ ।
मन्त्रालयले आज एक विज्ञप्ति जारी गर्दै होलीको नाममा कसैको स्वीकृतिबेगर त्यसो गरिएमा उक्त कार्य प्रचलित कानुन विपरीत हुने र त्यसो गरेको पाइएमा कारबाही गरिने जनाएको छ । साथै मन्त्रालयले प्लाष्टिकका झोला आयात नगर्न समेत गृहले अनुरोध गरेको छ । गृहले यसरी लोला बनाउने प्रयोजनमा प्लाष्टिकका झोला आयात गर्नेमाथि समेत कारवाही हुने जनाएको छ ।
