काठमाडौं चैेत्र १३, एमाओवादी नेतृत्वको ३० दलिय मोर्चाले सत्तारुढ दल संविधान निर्माणमा गम्भीर नभएको भन्दै घोषणा गरेको आम हड्ताल लगायतका बिरोधका कार्यक्रमप्रति गृह मन्त्रालयले आफ्नो ध्यानाकर्षण भएको 
जनाएको छ ।
उपप्रधान एवम् गृहमन्त्री बामदेव गौतमले आज एक प्रेस बिज्ञप्ति जारी गर्दै मुलुक संबिधान निर्माण प्रक्रियामा अगाडि बढीरहेको बेलामा लाठि जुलुस, मसाल जुलुस, सरकारी कार्यालय घेराउ र आम हडताल जस्ता उत्तेजक बिरोधका कार्यक्रम नगर्न अपिल सहित माओवादी सहितको ३० दलिय मोर्चालाई यस्ता क्रियाकलाप नगर्न आग्रह गरिएको छ ।
त्यस्तै विज्ञप्तिमा उहाँले संविधान निर्माणको प्रयासलाई अवरुद्ध पारेर मुलुकलाई प्रतिगमनतर्फ धकेल्ने तत्वलाई फाइदा पुग्ने र हाल भएका सहमतिका प्रयाससमेत सार्थक नहुने उल्लेख गर्नु भएको छ।
