काठमाडौ फागुन २०, त्रिभुवन अन्तर्राष्ट्रिय विमानस्थलमा अवतरणका क्रममा दुर्घटना भएको टर्किस एयरलाइन्सको विमान धावनमार्गबाट हटाउन समय लाग्ने भएकाले अन्तर्राष्ट्रिय उडानहरू भोलि अपराह्न ४ बजेपछि मात्र सुचारु हुने भएका छन् । यसैवीच सरकारले टर्किस एयरलाईन्सको विमान दुर्घटनाबारे छानविन गर्न भन्दै पूर्वसचिव नगेन्द्रप्रसाद घिमिरेको अध्यक्षतामा आज एक समिति गठन गरेको छ ।
गठित छानविन समितिमा वरिष्ठ विमान चालक बिएन अमात्य, नेपाल वायु सेवा निगमका इन्जिनियर चुँडामणि बस्याल र पर्यटन तथा नागरिक उड्ययन मन्त्रालयका बुद्धिसागर लामिछाने सदस्य तोकिएको छ ।