स्वाइन फ्लुका कारण मृत्यु

काठमाडौ फागुन १७ , स्वाइन फ्लुका कारण राजधानीको स्थानीय मोडेल अस्पतालमा उपचाररत एक महिलाको आईतवार मृत्यु भएको छ । मृतक महिलाको नाम अस्पतालले सार्वजनिक गरेको छैन । दम तथा निमोनियाबाट ग्रसित भई उनी एक साताअघि सो अस्पतालमा भर्ना भएकी थिइन् । थप उपचारका क्रममा उनको फ्लु परीक्षणका लागि केन्द्रीय जनस्वास्थ्य प्रयोगशालामा पठाउँदा स्वाइन फ्लु भेटिएको अस्पताल स्रोतले जनाएको छ ।