काठमाडौं माघ २०, सत्तारुढदल र एमाओवादी सहितका विपक्षी दलहरुबीच जारी मतभेदकाबीच संविधानसभाको बैठक यही माघ २२ गतेका लागि बोलाइएको छ । संविधानसभा सचिवालयका महासचिव मनोहरप्रसाद भट्टराईले सूचना जारी गर्दै माघ २२ गते दिउँसो १ बजे बैठक बोलाएको जानकारी दिनु भएका हो ।
गत माघ ११ गते संविधानसभाध्यक्ष सुवासचन्द्र नेम्वाङले एमाओवादीसहितका विपक्षी मोर्चाको विरोधका बीच प्रस्ताव निर्माण समिति गठनको घोषणा गर्दै प्रश्नावली प्रस्ताव समिति गठनगरेसङगै अनिश्चित कालका लागि बैठक स्थगित भएको थियो ।
तर सत्तारुढदलले बहुमतको दम्भ देखाउँदै बिनासहमति प्रश्नावली समिति निर्माण गरिएको भन्दै एमाओवादी सहितका विपक्षी दलहरुमोर्चाहरुले यसअघिनै संविधानसभा बैठकमा भाग नलिने र प्रश्नावली प्रस्ताव समितिको औचित्य नभएकोभन्दै ए माओवादी र मधेसवादी दल सडक आन्दोलनमा जाने घोषणा गरिसकेका छन ।