काठमाडौं माघ २५, संविधान सभाको प्रश्नावली निर्माण प्रस्ताव समितिले सविधानका विवादित मानिएका आधारभुत सवै बिषयमा प्रश्नावली तयार परेको छ । प्रश्नावली बनाउने जिम्मा पाएको उपसमितिले आज राज्यपुनरसंरचना सङग सम्बन्धित ७२ वटा प्रश्न बनाएर प्रश्नावली प्रस्ताव समितिको पूर्ण बैठकमा बुझाएपछि प्रश्नावली बनाउने कामले पूर्णता पाएको हो ।
यसअघि शनिवार बसेको समितिको बैठकले चार किसिमको शासकीयस्वरुपका विषयमा प्रश्नावली तयार गरेको थियो । जसअनुसार संसदीय व्यवस्था, जनताबाट प्रत्यक्ष निर्वाचित राष्ट्रपति, जनताबाट प्रत्यक्ष निर्वाचित प्रधानमन्त्री र मिश्रित शासकीय स्वरुपका विषयमा प्रश्न तयार गरेको हो । त्यस्तै उपसमितिले शासकीय स्वरुप, निर्वाचन प्रणाली, संविधानको प्रस्तावना, संविधान संसोधन, मौलिक हक लगायतको बिषयमा यसअघि नै प्रश्नावली बुझाईसकेको छ । त्यस्तै समितिको विरोध गरिरहेका एमाओवादी, मधेशी लगायत दलले अघिल्लो संविधानसभाका राखेका धारणालाई पनि समितिले प्रश्नावलीमा समेटेको छ ।
त्यस्तै समितिले हालसम्म विगतको संविधानसभामा रहेका ६ वटा समितिको प्रतिवेदनमा विवादित रहेका १७० वटा प्रश्न बनाइसकेको जनाउँदै आज दिउँसो ३ बजे बस्ने समितिको पूर्ण बैठकमा अग्नीप्रसाद खरेल नेतृत्वको उपसमितिले ७ वटा बिषयको प्रश्नावली बुझाएको भएका छन । यसवीचमा राज्यपुनरसंरचना बाहेकका सवै बिषयका प्रश्नावली पूर्ण समितिले पारित समेत गरिसकेको छ । तर आज बुझाईएको राज्यपुनरसंरचना बारेको प्रश्नावली भोली बस्ने पूर्ण समितिमा छलफल भएपछि पारित गरिने बुझिएको छ।