काठमाडौ माघ २६, नेपाली काँग्रेसकी नेत्री सुजाता कोइरालाले सहमतिका लागि प्रधानमन्त्रीले थाल्नुभएको सहमतिको प्रयास आफैमा महत्वपूर्ण रहेको भन्दै शान्ति प्रक्रियाको एक हिस्सा एमाओवादी भएकाले संविधान लेखनमा एमाओवादी गम्भीर हुनुपर्ने बताउनुभएको छ ।
आज पत्रकारहरुङग कुरा गर्दै नेत्री कोइरालाले एमाओवादी संविधान निर्माण प्रक्रियामा सहभागी भएर मुलुकलाई शान्ति र संविधानका साथ लोकतान्त्रिक प्रक्रियाबाट निकास दिनुपर्नेमा विशेष जोड दिनु भएको थियो । साथै नेत्री कोइरालाले विस्तृत शान्ति सम्झौतामा सात दलको नेतृत्व गिरिजाप्रसाद कोइरालाले गरेको स्मरण गराउँदै तत्कालीन विद्रोही शक्तिको नेतृत्व माओवादी अध्यक्ष दाहालले गरेकाले एमाओवादी लोकतान्त्रिक प्रक्रियाबाट भाग्न नमिल्ने बताउनुभएको थियो ।
